Amerikanyn “Google” korporasiýasy bilen infrastruktura taslamalary bilen meşgullanýan Çiliniň “Desarrollo País” döwlet kompaniýasy Awstraliýa çenli optiki süýümli kabelini çekmek boýunça şertnama baglaşdylar.
Bu barada Günorta Amerikanyň daşary işler ministrligi habar berýär.
“Walparaiso sebitini Awstraliýa bilen birleşdirjek bu taslama — uzynlygy 14 müň kilometre çenli boljak kabel — Çiliniň XXI asyrdaky ornunyň nähili bolmalydygyny anyk görkezýär: açyk, ynamly ýurt bolup, halkara hyzmatdaşlygyna doly gatnaşmaga we Günorta Amerika bilen Aziýa-Ýuwaş ummany sebitleriniň hem-de Okeaniýanyň arasynda köpri bolmaga çalyşýar” diýip, Çiliniň daşary işler ministri Alberto wan Klaweren aýtdy.
Şertnama boýunça “Google” bilen “Desarrollo País” deň paýly “Humboldt Connect” atly bilelikdäki kompaniýa dörediler.
“Kabeliň 2025–2026-njy ýyllarda çekilmegine garaşylýar, onuň täjirçilik taýdan ulanylmagy bolsa 2027-nji ýylda başlanar” diýip, Çiliniň daşary işler ministrligi belleýär.
